Uwa ektien ka Ministry of External Affairs, u Raveesh Kumar ynne ka sngi hawa yaklam wa kiwa pathai khubor da ong u wa ka India da man ko kawa pynkhreh wow yakhun pyrchah ya u khniang Coronavirus.
Yeini da ong u hadien wa da pyntikna wa uwi u bru na Kerala da yoh u ya uni u khñiang.
Da ong u wa ka sorkar pyrdi dang yaklam ko wa ki nong India kiwa em ha China wei dang pyrchang wow wanrah biang ya kiwa na Hubei Province cha India.
Heiyatoh wa i kyrpaad ka India na ka China wow laithooh ya ki nong India na ki thaw wa chah ktah, u Raveesh Kumarda ong u wa ympu yoh ya ka rai na ka China hajrong ini wei ka ri da pynyang ko ya 2 tylli ki lieñsuiñ wow lithooh ya ki.
Neiliang uwa ektien ka Chinese Embassy ha India, u Counselor Ji Rong, da ong u wa ka China booddien bha ko yeini iwa da pyntikna wa em wa yoh ya uni u khñiang ha India wei ka Beijing man ko kawa smat wow yakrehlang wa ka Delhi hajrong kani ka bynta.
Discussion about this post