Shillong: U Chief Executive Member ka Khasi Hills Autonomous District Council, u Titosstarwell Chyne da ong u wa em ki chnong khamtam na ka thaaiñ Langpih kiwa da leh ya ka Land Record wa ka Council.
U CEM da ong u yeini ynne ka sngi ha ka dorbar ka Council hawa jubab yeiwa kylli u MDC ka Mawhati, u Charles Pyngrope.
U Titos da pyntip u leh wa hadooh katni ka EC wa thymme ympu chna ko ya ka Committee wa kyrpang wow pynsuk ya ki paidbah kiwa em ha ki khappood wow pynbiang ya ki Land Record, tangwa ki EC warim wa da lai da jooh em ki ya ki Committee wei neini kani ka EC daw chna noh ko ya ka Committee wow pait leh yei kajia ha khappood.
Chooh chooh da ong u wa ka Council ympu em ko kawon kawon ka aiñ næ bor wow Register ya ki thaw ha khappood, laitnoh du wow booh ya ki Land Records, deiwa pynrap leh wa ka Council kyrmen ko wa dei wanrah noh ya ka Land Bill daw ye noh wow Resister ya ki thaw waroh.
