Ym pu ye u rai ya ka samoi krehkaam u WC ka Mynsngat

Jowai : Ka samoi næ ka por wow man u waheh chnong ka Mynsngat u Phresmi Suting uwa da chah jied kam u waheh chnong ha ka 20 Naitung 2016 dang sah ko khlem yoh ya ka rai hadien wa u waheh chnong da kam u wa u Dolloi Nartiang da e u ya ka rai (recommendation) wow man waheh chnong u 3 snem katwa ki 4 dong na ki 7 tylli ki dong ka chnong won da ong ki wa oo toh u man waheh chnong u chi snem don hi.

Ini i kulmar da mih hadien wa chah kynnoh u waheh chnong wa ym em pynman dorbar u yow rai katwon snem ye u u man waheh chnong katwa neiliang yong oo won da ong u wa da dep pynman dorbar u ha ka 24 Naitung 2016 wei da yoh ya ka rai wow man waheh chnong u 3 snem.

Kiwa pyrchah yeini da li booh ujor ki cha ka JHADC ha ka 23 Naisan 2016 yow pyrchah yei man waheh chnong u le snem.

Kamtæ neiliang ka JHADC da phah ko ya kiwa kreh yong ka wow pynman ya ka Dorbar ha ka tai ka chnong tangwa wan du 81 ngut donhi ki paidbah na ki 1200 tam kiwa em ha kani ka chnong. Neiliang ka EC ka JHADC won da chim ko ka rai wow e laad ya u Phresmi yow man waheh chnong u chi snem chwa wei ye u pynku ya ka leh; chong hei rukom kreh u.

Related posts

Da ki phaw hajar wa wan sakhi ya ka sngi pynkut ya ka Behdieñkhlam 2025 ka Raij Tuber

July 22, 2025

Wanrah ka Phang Wah ya u Bhang kam chibynta ka Behdieñkhlam Tuber

July 21, 2025

Ynne ka sngi pyn arliang kiwa kyrchaan ya u waheh chnong kamjooh kiwa pyrchah ya u waheh chnong da yachem ki wa u CEM ka JHADC tangwa neidaw wa kiwa pyrchah ym em pynbiang ki ya ki kot ki sla kam ka Show Cause Notice da chim ya ka rai wow bichaar biang ya kani ka kaam ha ka 27 tarik uni u bnai.

Ha ka election wa pynman ha pyrdi ki 6 ngut u Phresmi da jop wei da pyntip leh wa ye u wow man wa pyrchah ki ya ka pali yong oo kam u Waheh Chnong toh neidaw wa pynkylla lut u ya kiwa boon kiwa ksoh kreh hapoh ka Dorbar Chnong wei em leh kiwa ong wa oo toh dang khian ware u yow man u kam u Waheh Chnong wa em u dang 27 snem i rta.