Shillong: U montri ka tnat puræ puthi ka jylla, u Lahkmen Rymbui da pyntip u ha ka yung dorbar ynne ka sngi wa ka Scholarship yong ki khynroo khyllood wa puræ ha ka jylla dang sahkut ko neibhah wa ym em pynlait poisa ka sorkar pyrdi.
U Lahkmen da ong u wa ka sorkar da pynkrehkaam ko ya ka Post waka Pre- Matric Scholarship ya ki SC\ST, ka bai baam ya ki khian paaid, ka bai baam ya kiwa poi cha khmat, ka bai-baam na ka North Eastern Council, na ka Sainik School Goalpara, ka bai baam ya ka Basic Science, bai Baam ya kiwa sah cha khappood, wa kiwi kiwi.
Heiyatoh waka Ishan Uday scheme waka bai baam neibynta ki khynnah skur kynthai wa puræ Class IX daw haap thooh yutip chwa wa neidaw hadooh katni ym pu em yoh yutip chaphang kani hanlada da em kini ki Scheme ha ki Website ka tnat puræ puthi.
U montri da ong u wa ka sorkar da thooh ko ya ki laad ki luti wa kammon wow pynsmat pynlait noh ya ka bai baam yong kiwa dang puræ wei kamjooh wow pynlait ya ka tulop yong kiwa sikai SSA kiwa ym pu em yoh tulop la san bnai kattu.
Yeini da jubab u Rymbui ya ki phang kylli da u MLA ka Umroi, u George B Lyngdoh ha ka dorbar ynne ka sngi.
Discussion about this post