Hadien wa jia i chah dung uwi u bru wa tip kam u Solomon Rymbai ha ka 9 tarik uni u bnai ha Mukhla Chohchrieh heiwa da pynkit noh ya oo cha Dr. Norman Tunnel Hospital, Jowai wow yoh u yei sumaar neidaw wa da joor mynsoo u.
Hawa booddien ya ini i kaam wa ki pulit, da pyntip ki wa u Solomon katni da rap chait u tangwa ki pulit ym pu u yoh ki wow yaklam wa oo yow ye u khana yeiwa jia ya oo neibha ini wa dep em u hapoh ICU.
Chooh chooh da pyntip ki wa ki ar ngut kiwa da suba wa dung ya oo kiwa kynthup ya u Damut Bang wa u Palmon Sari ympu em u yoh u kem ya ki.
Heijooh i por da pyntip leh wa kini ki ar ngut toh kiwa da jooh em Case nachwa ha ki pulit wei katni neiliang ki pulit dang kreh chitom ki wow thooh yow kem noh ya ki.
Da pyntip leh wa uwa chah dung leh toh uwa da em ki Case wa ki pulit.
Puræ leh: Da chem sa ka Pistol na u Solomon Rymbai uwa dawa poisa hei pyrtuid ka HNLC
Puræ leh: Chah kem u President wa u Secretary ka seiñ Niaw Wasa Youth Federation
