U Montri Rangbah ka jylla, u Conrad Kongal Sangma da ong u wa ymtoh i rukom ya ki seiñbhalang wow yakhih hakhmat ka Secretariat, deiwa pynrap wa ka sorkar da klam che ko wa smat ko wow yaklam yei emkaam ki paidbah.
Ynnin ka sngi ki dkhot ka Confederation of Meghalaya Social Organisation (CoMSO) da tia ki syndet syndet chakhmat ka Secretariat wow dawa Inner Line Permit (ILP).
U Conrad da ong u wa hanla ym em i thombor chapoh Secretariat, tangwa i chong ki seiñbhalang ha ka Gate wow khang ya u sarok toh iwa ymye u pdiang wei lada kwah ki wow yaklam ye ki wow yachem wa ka sorkar.
Hajrong i maham ka CoMSO wow khang noh ya ka Secretariat, u Montri Rangbah u da ong u wa ka sorkar ym elaad ko wow chim ki ya ka aiñ ha kti.
Ha iwi i liang u Conrad da kyntu u wa lada em iwon iwon toh u wan ki chakhmat wow yaklam.
