Ka seiñ kiwa kamai kari wa tip kam ka East Khasi Hills Local Taxi Welfare Association (EKHLTWA) ynne da lai yachem ko wa u District Transport Officer (DTO) ha Shillong yow pynsñiaw yei pyrchah yei thmu ka chnat Transport wow booh ya ki Tracking Device yow tip yei lai i wan waroh ki Local Taxi hapoh ka jylla.
Neiliang u Organising Secretary ka seiñ, u Shan Khyriemmujat da ong u wa da pyrchah ki yeini wa thmu ka sorkar neibhah da tip chwa kiwon ki Local Taxi du nei rong stem rong yong ki.
Da ong u leh wa da em ki High Security Registration Plates (HSRP) kiwa ye wow leh yeini waroh wei ka sorkar kopsar da leh ko yeni hadien wa chah pynyap u Raja Raghuvanshi tangwa da tip waroh wa ki tre chnong ym emkti ki heini i kaam.
Kamtæ da ong u wa wow pynkit cha ki tre chong, cha kiwa kamai Local Taxi yei kaam wa leh da kiwa na baar man i wym yahaap.
Discussion about this post