Ka Montri ka chnat i chait i khiah, ka Dr. Ampareen Lyngdoh da ong ko wa hei sñiaw yong ka samen emkaam wow burom ya ki jaitbru waphær waphær kiwa em jar jiar ki dustur riti wa i ngiat niam kamwa burom ki yeiwa ngait yong ki hi yow man ka India kam ka ri wa phooh wa phieñ.
Hawa kylli yei em ka seiñ Hindu kawa da thmu wow pynman yei lai paidbah namo ka Yatra yow dawa pynbna ya ka masi kam ka bei ka ri, ka Ampareen da ong ko wa ka Meghalaya em ko ka dustur riti yong ka hi wei i pyrchang wow pynkylla da kiwa na baar toh i wym man.
Da maham ko leh wym e laad ya kitu kiwa thmu wow ktah yei suk i saaiñ neibhah da em leh ki aiñ wow yada ya kitu kiwa kwah wow pynthut.
Ka Ampareen da ong ko leh wa ka Meghalaya toh kawa em i suk i saaiñ wei kiwon kiwon kiwa thmu wow wanrah yei phiah wei yachoon hapoh ka jylla ymtoh u e laad ki.
Discussion about this post