Ymtoh wa yut u Shangpliang tæ chah pynhiar chuki u Ernest: Hek

U Alexander Laloo Hek uwa man kam u MLA ka BJP wei kamjooh u Montri sorkar da pynsñiaw u yei kyrchaan yei thung ya u Rikman Momin kam u President wa thymme ka Meghalaya.

U Hek hawa yaklam wa kiwa thoh khubor ynne da ong u wa u Rikman toh u bru wa da tip bha yei kaam hapoh ka Party wei man u leh uwa da dep yaleh MP Election naka Tura Parliamentary Seat wei u dkhot warim ka National Council ka BJP.

U Hek da ong u wa i kreh chitom u Rikman wei i heh rta u da yahaap wow chim u yei kaam kam u State President. Hawa jubab won yei rukom chah pynhiar chuki u Ernest Mawrie kam u State President, u Hek da ong u wa ini toh neidaw wa da kut ka samoi krehkaam u wei ym em da kiwi ki daw wa da chah pynhiar chuki u.

Hawa kylli won lada u Hek ye u wow man kam u Party President, da ong u wa ka Party bood ko ya ka yurim wa uwi u bru kawi ka chuki kawa man leh ka kyndon krehkaam ka riti ka Party.

Related posts

Khut ka UDP-West Jaiñtia Hills ya kiwa kwah u yaleh MDC cha ka JHADC

November 25, 2024

Da boonsien dep u yasyllok wa kiwa chongdai madan, phylla u Paul yei pynbaad wa leh yabor

November 24, 2024

Da phla u leh wa i thung ya u Rikman Momin man ko kam chibynta wow pynkhreh ya ka Election wa daw wan.

Kam wow pynkynmoo wa ha ka 25 tarik uni u bnai, ka Bhartiya Janata Party da thung ko da u Rikman Momin kam u State President wa thymme ka BJP Meghalaya wei yeini da pynbna da u National President ka Party.

U Hek da pynche u wa i thung da u Rikman ym em yatoh ko wa i mih noh u Himalaya M Shangpliang naka Party yow lai psiah cha ka National People’s Party (NPP).