U Montri Rangbah ka jylla, u Conrad K Sangma ynne ka sngi da kyntait u ya i dawa ‘Ka Sur Ki Nong Mawlai’ wow beh kreh chipor ya ki 3 ngut ki sahep pulit wa emkti ha i chah siat yap u heh warim ka HNLC, u Cherish Starfield Thangkhiew ha i step ka 13 Naisaphra.
Hawa kylli ynne ka sngi, da ong wa ym chong hok wow pynchitom ya kiwon kiwon khlem i takit wa bniah wei katni dang yang wow chemdien ya kiwa emkti ha ini.
U Conrad da ong u wa ka sorkar ymye ko wow beh kreh næ pynchitom ya kiwon kiwon khlem i sakhiat wei na ini i daw ka sorkar da thung ko ya ka Judicial Inquiry khnang wow chemdien yeiwa sakhiat.
Heijooh i por da kyntu u ya ki paidbah wa dawa wow beh kreh chipor ya ki heh pulit wow yaichah ki kat hadooh wa yoh ya ka bui (Report) takit, deiwa pynrap u leh wa ka sorkar daw pynchitom ko deiwa khor ya kiwa emkti ha ini i kaam katkam ka bui wa yoh ko.
