Jowai : Ki 4 ngut ki kyrtong ki wow yakhun ya ka 1-War District Council Constituency ka JHADC ynne ka sngi da pyndep ki ya ka Scrutiny namo i pyntikna wa waroh ki kot ki sla (Nomination Paper) yong ki kyrtong toh kiwa biang.
Ki kyrtong leh da e laad ya ki u pait ki ya ki kot ki sla yong kiwi ki kyrtong tangwa da kyntait ki yei ni deiwa chaniah ki ya i rai u Returning Officer wa biang lut waroh i jait.
Ya ki kyrtong wa kwah u ran dien da e por ya ki hadooh ka 1 tarik u Kmaichonglad.
Ya ka chaap (Symbol) yong u kyrtong wa samen daw jied ha ka 3 tarik u Kmaichonglad.
Ha kani ka election da em 18 tylli ki Polling Station wei ya kawa em ha Syndai da man ko kam ka Sensitive Polling Station wei daw booh da u Special Sector Magistrate ha kani ka thaw.
Ka sngi thap Vote toh ha ka 13 tarik u Kmaichonglad nadooh 7 waje i step hadooh 4 waje i janmiet.
Ya ka sngi ñiaw vote u pynman ha ka 16 tarik ha Amlarem.
Ki 4 ngut ki kyrtong da wan synran ya ki da kiwa ha yung ha sem yong ki kamjooh ki dkhot wa ki heh party waphær waphær.
Ki 4 ngut ki kyrtong kynthup ya u:
1. Losingh Lakuna (IND)
2. Lamdibok Sumer (INC)
3. First Born Manner (UDP)
4. Smen Kyndait (BJP)
Ha kani ka leh Scrutiny da chem leh wa waroh ki kyrtong ym em case ki wa ki pulit.
Discussion about this post