January 13, 2020
0 Comments
Advertisement
Advertisement
Advertisement
Shillong: Ki 200 Run na u Sanjay Yadav wa u Ravi Teja da booh ko yaka Meghalaya heibor wa biang bha haka yalehke ka Ranji Trophy pyrchah yaka Mizoram haka sngi wa ar wa pynman ha Kolkata ynne ka sngi.
Deiwa pteiñ na iwa ieh ki ynnin ka sngi iwa 414/4, ka Meghalaya da pynkut ko yei kamai run deiwa pyndam noh manda poi ko 662/4. Hawa kut ka yalehke ynne ka sngi, u Teja da yoh u 119 Not Out wa u Yadav 107 Not Out heiwa ynne, waroh ar da pyntam ki ya ka 200 Run, u Yadav da yoh u 254 Run Not Out na 228 bol wa kynthup ya 23 tylli ki 4 Run wa 13 tylli ki 6 Run katwa u Teja da yoh u 204 Run Not Out wa kynthup ya 18 tylli ki 4 Run wa kawi ka 6 Run. Kini ki arngut da kamai lang ki 440 Run.
Advertisement
Hadooh wa kut ka yalehke ynne ka sngi, ka Mizoram da jubab ko da 114/7, heiwa uwa kawang bol ka Meghalaya u Abhay Negi da yoh u 2/15, u Aditya Singhania (2/30), u Chengkam Sangma (1/4), u Yadav (1/20) wa u Akash Kumar Choudhary (1/23).
Ha kawi tawan ka yalehke ka Meghalaya haka U-23 Col CK Nayudu Trophy pyrchah yaka Manipur, kawa sdang ynne ka sngi, ka Meghalaya da jop ko yaka kylla khlem wei da jied ko wow Bat nyngkong tangwa da haap lut ki Wicket ko deiwa kamai du 94 Run haka Innings wa nyngkong. U Captain u Raghav Kapur da kamai booh Run dooh u da 27. Ka Manipur won hawa Bat ko da yoh ko 129/6. Kiwa yooh u pynhaap Wicket yaka Meghalaya toh u Kishan Lyngdoh uwa yoh 3/26, u Lokesh Turaha (1/7), u Anish Charak (1/30) wa u Aditya Verma (1/35).
Advertisement
Advertisement
