15 49.0138 8.38624 1 0 4000 1 https://wyrta.com 300 0
Advertisement ad1
Advertisement ad1

Joor ki kaam tooh Mobile Phone ha Shillong

0 Comments
Advertisement ad1

Jowai: Katkam wa pyntip ki pulit, haka 2 tarik uni u bnai, ka Banylla Nongsiej da ujor ko wa heipor 8 waje i miet, da em wa tooh ka ka Mobile Phone ko na iwi i dukan u Biswajit Goswami wa em ha Holy Ground Road, Nongkynrih, Shillong.

Haka jooh hi ka sngi, ka Riyacca Nonglait da ujor ko wa heipor 4:30 i janmiet, da em wa klah tooh ka ka Mobile Phone ko heipor wa lai ko cha Laitumkhrah Police Point, Shillong.

Haka jooh biang ka sngi, ka Vinikupu H. Arkha da ujor ko wa em wa tooh ka ka Mobile Phone ko ha Laitumkhrah, Shillong.

Haka 4 tarik, u Raju Sharma da ujor u wa heipor 1:30 i step synyaw, da em wa psiah tooh chapoh dukan u wa em ha Ichamati, East Khasi Hills heiwa da tooh ki ya 15 tylli ki Mobile Phone wa chongdor waroh T. 1,07,500.

Haka 5 tarik, ka Banrika Lyngdoh da ujor ko wa haka 18-12-19 da em wa tooh ka ka Mobile Phone ko heipor wa em ko ha ESMASA Collection ha Laitumkhrah, Shillong.

U Panchlal Sharma da ujor u wa haka 8 tarik, heipor 2:30 i sngi, da em uwi u bru wa tooh ka ka Mobile Phone u waka snieh-poisa heipor wa em u haka yaw Laitumkhrah, Shillong.

Haka 9 tarik, ka Rita Rai da ujor ko wa heipor 7:30 i miet, u Rohit Rai (18 snem) da tooh u ka ka Mobile Phone ko ha Rapsang Market, Shillong, heiwa da yoh kem ki pulit oo.

U Ryngkatbor Kharbteng da ujor u wa haka 9 tarik da em wa tooh ka ka Mobile Phone u napoh kari u wa em ha Brookside School, Laitumkhrah, Shillong.

Haka jooh ka sngi, ka Kabita Kumari da ujor ko wa da em wa tooh ar tylli ki Mobile Phone ko na yung wa sah ko heipor wym em ko ha chnong wa sah ko ha Dum Dum, Nongthymmai, Shillong.

Ka Surabi Roy da ujor ko wa haka 10 tarik heipor 8:45 i miet da em wa tooh ka ka Mobile Phone ko heipor wa lai ko cha yaw Laitumkhrah, Shillong.

U Madhab Das da ujor wa haka 10 tarik heipor 4:30 i janmiet da em wa tooh ka ka Mobile Phone u na Stony Land School, Dhankheti, Shillong.

Advertisement ad1

0 Comments

Leave a Reply