Yoh bhah ka West Jaiñtia Hills napyrdi ki 100 tylli ki District ka ri wa chah jied u yoh ya ka Scheme PM Dhan Dhaanya Krishi Yojana

Ynne ka 11 tarik kawa man ka sngi wa wai paidbah u Prime Minister ka ri u Narendra Modi ya ka Scheme PM Dhan Dhaanya Krishi Yojana ha ki 100 tylli ki District yong ka ri, ka West Jaintia Hills District leh kam kawi napyrdi ki 100 tylli ki District ha ka ri da chah jied ko yow yoh ya kani ka Scheme heiwa da chimbyntalang ki u sakhi yei wai u Modi lyngba ka Internet ha ka yalang wa da pynman da ka yung krehkaam ka Krishi Vigan Kendra Jaiñtia Hills District kawa em ha chnong Wahiajer chirup i yakrehlang ka chnat Agriculture wa Horticulture ka West Jaintia Hills District.

Kani ka Scheme PM Dhan Dhaanya Krishi Yojana toh kawa da mang kyrpang neibynta ki warep yow yarap ya ki hei rukom waphær waphær iwa yatoh wa i kaam rep kaam riang.

Ha kani ka sngi wai paidbah u Narendra Modi da emlang ka Vevotolu Kezo, SDO Sardar, West Jaiñtia Hills District kam ka kongsan, hei emlang ki sahep wa pait yei rep i riang kam ka M. Mawroh, Deputy Director of Agriculture (Agronomy) Directorate of Agriculture Shillong, ka D. Thabah, Joint Managing Director, MgSFAC Directorate of Horticulture, Shillong, ka S.E. Kynjing kam ka District Horticulture Officer, West Jaiñtia Hills, ka K. Sutnga, District Agriculture Officer, West Jaintia Hills ki paaid warep wa kiwi.

Ki sahep yong ka chnat i rep i riang hawa e yei klam ha kani ka sngi ong ki wa i pynlait paidbah ya kani ka Scheme toh wa kwah ka sorkar wa waroh ki warep u yoh myntoi ki heiliang i rep i riang wei wow yarap leh kammon u pynemkaam da ki kor ki bor hawa rep, wow e ki symbe wa rap bha, wow e ki sboh najrong wow pynlai yaaw ya ki mar rep.

Heijooh i por ong ki najrong ka PM Dhan Dhaanya Krishi Yojana, ha kani ka jooh ka sngi da wai leh ya ka Pulses Mission wa yatoh wa i rep ya u dai deiwa pynheh i e yarap khnang yow ye u pynmih boon jait ki kynja dai.

Related posts

Kynthiar ka khynnah skur wa dang 9 snem na ka mala wa soo ka sur hadooh wa yap | Chah pynbaad ka skur wa murieh ki yei sabut

November 2, 2025

Kynmoo tympang ka Balang Catholic Jowai yei mynsien kiwa da khlaad kam chibynta ka All Souls’ Day

November 2, 2025

Neiliang ka kongsan hawa klam ong ko ka West Jaiñtia Hills Distirct toh ka thaaiñ wa biang ha i rep i riang tangwa maad won ko kattu katni i eh i khoo heiyatoh wow pynmih symbe, neitæ i wym biang ka yaaw ka haat, i thaw wow booh ya ki mar rep, tangwa kani man leh ka kabu ya ka District yow ku ko hei rep i riang wei ka thong toh u man kawa ye u lehbha.

Kamtæ kyntu haroh ko ya ki sahep ka chnat i rep i riang wow yakhun bha hajrong u rah yei naam ka District hakhmat dooh heiyatoh wa i rep i riang, i pynku yei kamai, i yoh ki warep neibhah wa man leh ka District wa biang bha i man i long i suiñ bneiñ.

Khana ko wa neiliang ki bor District leh daw sdang noh ki ya ka District Level Committee dei wow thooh leh u leh iyi ræ iyi heiyatoh wa i emkaam ka District kam iyi i eh wa maad ka District we iyi wa ye u leh yow pynbha yei rep i riang.