U Rakesh A. Sangma ynne i step da jop u ya ka Election deiwa chah jied kam u Chief Executive Member (CEM) wa thymme ka GHADC deiwa yoh 15 Vote.
U Benedic Marak uwa dang dep chah pyndooh chuki ha ka 29 tarik kam u CEM hadien wa rem u ha ka No Confidence Motion, da yakhun u wow man CEM biang tangwa da yoh u 13 Vote.
U Benedic Marak toh u MDC ka NPP uwa da chah pynbaad wa da sdang pynyatoh lok u wa ka All India Trinamool Congress Party (AITC), tangwa dang man hi u kam u dkhot ka NPP.
U Rakesh Sangma leh toh u MDC ka NPP na Babelapara. Da ieh u yei kaam kam u Chairman ka GHADC ha ka 29 tarik yow yakhun CEM.
I haap u Benedic kam u CEM da jia i hadien wa 9 ngut ki EM da ieh ki ya ka chuki wei da wanrah ki ya ka No Confidence Motion pyrchah ya u Bendic deiwa pynbaad wa da ya krehlang u waka liang pyrchah ka Trinammol.
Neiliang u Benedic da kyntait u wow hiar chuki wei da e pathan u ya ki 3 ngut ki MDC ka Trinamool da ki Chairman ki Committee wa da ieh da ki MDC ka NPP.
