U MDC ka NPP na Gasuapara Constituency, u Sengchim N. Sangma da chah jied u kam u Chairman wa thymme ka Garo Hills Autonomous District Council (GHADC) ynne ka sngi.
U Sengchim Sangma da yoh u 18 Vote na ki 30 Vote yow jop ya u kyrtong ka Trinamool Congress uwa da yoh 12 Vote.
Ka chuki u Chairman ka GHADC da thylli ko hadien wa u Rakesh A Sangma da ieh u yeini i kaam yow yaleh CEM deiwa jop ya u Benedic Marak uwa da hiar chuki wei da rem u leh haka No Confidence Motion.
Tangwa u Rakesh won da hap u wow hiar chuki hadien wa yakhih pyrchah ki paidbah yei man u kam u CEM.
Heiyatoh wa i jied CEM wa thymme, ka liang synchaar wa yahkhmat daka NPP da pynyieñ kyrtong ki da u MDC ka Siju Constituency u Albinush Marak yow man kam u CEM wa thymme.
