Katkam wa pyntip ka sorkar lyngba ka chnat Health & Family Welfare ka Meghalaya, ha kani ka tayaaw wa dep nadooh ka 8 tarik hadooh ka 14 tarik da leh 394 tylli ki Test COVID-19 hapoh ka jylla heiwa na kini da leh 172 tylli ha East Khasi Hills wa 222 tylli won ha West Garo Hills katwa ha kiwi won ki District ym em leh.
Kamtæ na kini da chem uwi uwa yoh ya u khñiang COVID-19 uwa na West Garo Hills wei deiwa chem ya uni, kattæ da em uwi donhi wa dang chah ktah hapoh ka jylla.
Nadooh wa sdang ka khlam COVID-19 waroh kiwa da yoh ya uni u khñiang hapoh ka jylla da em ki 96,991 ngut neitæ kiwa chait da em ki 95,362 ngut wei kiwa yap da em ki 1628 ngut.
Kamwa man kattæ hapoh ka ri da em 2990 ngut kiwa dang chah ktah heiwa ha kini ki 24 kynta kiwa dang yoh da em ki 272 ngut katwa kiwa chait da em ki 357 ngut.
Na kini kiwa dang chah ktah kiwa boon dooh toh ha Karnataka kiwa em 958 ngut wei da pynbood da ka Maharashtra 658 ngut, ka West Bengal 389 ngut wa ha Kerala 356 ngut.
Discussion about this post