U Khñiang COVID-19 da poi u ha jylla Mizoram wa wanrah da uwi u bru wa 50 snem uwa na Aizawl uwa wan na Holland wei da pyntikna ya ini hadien wa ka Test pynyoo ko wa em u ya uni u khñiang yow man u uwa ar wa yoh ya uni u khñiang haka thaaiñ Northeast hadien wa yoh kawi ka kynthai na Manipur ynnin ka sngi.
Wa uni u bru da emlang ka kurim u deilang wa ki arngut ki khon ki heipor wa laike ki cha Europe wei kattæ da booh yaki hapoh ka Isolation Ward ka Zoram Medical College (ZMC). Da pytinkna leh ya iwa yoh uni u bru ya u khñiang COVID-19 da ka Gauhati Medical College & Hospital.
Da pyntikna leh da u montri ka chnat i chait i khiah u R Lalthangliana ynne ka sngi.
Da pyntip wa uni u bru deilang wa kiwa ha yung u da poi yung ki haka 16 tarik uni u bnai wei da chem yeini haka 22 tarik uni u bnai wei da booh ya ki ha ZMC haka 24 tarik hapoh ka Isolation Ward.
Da pyntip leh wa daw lai siat dawai ya i yung kini ki bru wa ki thaw wa em chajan wei wow boodien ya ki bru wa emlang haka jooh ka lieñsuiñ waki, da pyntip u montri.
Discussion about this post