Yoh EM wa thymme ka JHADC

Ka chnat District Council Affairs ka sorkar Meghalaya da pynbna ko yaka hukum wa wan na u Lat ka jylla wa katkam wa tyrwa da u CEM ka JHADC, da jied ya u Finelyness Bareh, u Eveningstar Teron wa u Brightstar Chyrmang kam ki Executive Member (EM) wa thymme ka Executive Committee (EC) wa yahkhmat da u Thombor Shiwat.

Ki EM warim kiwa da chah pyndooh toh u Robinus Syngkon wa u Het Pohthmi wei deiwa em ki EM wa thymme da pyndap leh ya iwa duna uwi u EM.

Kini waroh toh ki MDC ka NPP. U Finelynes toh uwa da ieh yaka chuki kam u Chiarman ka JHADC.