Yoh email ki phaw tylli ki skur wa em Bomb | Kop uwa maham wow pynkut yei mynsien hadien wa pdung

Kamwa 40 tylli ki skur ki bru samen wa em ha kylleiñ ka Bengaluru da yoh email ki ynne i step wa em wa booh Bomb ha kini ki skur hadooh wa da hap mih boon ki pulit wow lai cha kini ki skur kiwa boon wa em ha Rajarajeshwari Nagar wa Kengeri.

Kani ka email wa da thoh “BOMBS INSIDE THE SCHOOL”, toh kawa phah na ka email ID [email protected] heiwa da ong wa da booh da ki Bomb TNT hapoh ki kamra skur wei da batai leh wa da murieh ya kini hapoh ki muna plastic rong yong wei waroh u yap ki. Uwa phah ya kini ki email da ong u wa daw pait u dei kmen wow yoo khubor wa wan ki bei ki pa ki khynnah yow chem yei lyngkhot lyngkhai ki khon ki.

Da ong u leh wa waroh da toh hok u yap ki wei oo leh daw pynkut u yei mynsien manda mih ki khubor deiwa ah ya u rdang wa ki thied kti.

Neiliang ki pulit dang yaleh ki wow chemdien neiwon wan ini i email.

U Home Minister ka Karntaka, u G Parameshwara da ong u wa nachwa jooh em kam ini i jooh i maham wa em Bomb ha ki skur hanla kattæ leh ym em kheiñstiñ yeini.

Ini i jooh da jia i ha Delhi leh heiwa da em 40 tylli ki skur kiwa da yoh email wa ong wa em wa booh Bomb ynne heiwa ki Bomb wa booh toh da ki TNT.

Related posts

Yoh u Hek, u Kyrmen, u Comingone wa u Shakliar da ki chuki Chairman wa Adviser ka sorkar

October 7, 2025

Lai toor kiwa yaleh kreh pulit Meghalaya cha ka Recruitment Board wa joor pynslem u pynbna Result

October 7, 2025

Ha kani ka email da thoh kamjooh hi kam kiwa yoh ki skur wa em ha Bengaluru wa hadien wa pdung ki Bomb uwa phah email daw pynkut u yei mynsien u.

Ha Delhi ha ka 16 tarik uni u bnai da em biang wa maham wa em wa booh Bomb.

Hadooh wa pynmih khubor ym em chem kiwon kiwon ki Bomb.