Hadien wa u Mukul Sangma da kam u wa da em ki MLA wa ki Montri sorkar kiwa yoh chithi dawa poisa wei u Montri Rangbah ka jylla leh tip hi u ya ini.
Neiliang u Montri Rangbah ka jylla, u Conrad K Sangma ynne ka sngi da pdiang u wa em hi kiwa mihkhmat paidbah wa kynthup ya ki MLA wa ki Montri ha ka sorkar kiwa da yoh ya ka chithi dawa poisa na ka seiñ kieñtiar, ka Hynniewtrep National Liberation Council (HNLC).
Hawa kylli, u Montri Rangbah da kyntait wow khana katwon ngut na kiwa mihkhmat kiwa da chah dawa wei hadooh katwon da chah dawa, tangwa da ong u wa ka chnat pulit da yoh yutip ko na kiwa boon kiwa chah dawa wa kynthup na ki bru paidbah, ki heh spah wei kamjooh na kiwa mihkhmat, ha ki kajiak tayaw wa da dep wei da leh ya iyi iyi wow yada wei wow khanglaad na kam kini.
Da ong u leh ki pulit da booddien wei da takit bha ki ya ini i kaam.
