Ka yung bichaar ka Bilaspur District ka jylla Chhattisgarh ynne da e jamin ko ya ki le ngut wa kyntup ya ki ar ngut ki Nun kiwa na Kerala kiwa da chah kem deiwa chah pynbaad wa thmu ki wow pynkylla niam wei wow rahbor ya ki bru.
U Principal District & Session Judge (NIA Court), u Sirajuddin Qureshi hawa ap yei wan paan jamin ynnin ka sngi da ong u wa daw pynmih hukum u ynne ka sngi heiwa da rai u wow e jamin deiwa booh ka jamin kawa mar Rs. 50,000 samen deilang ki kyndon.
U muktiar kini ki Nun da pyntip u wa u Judge da booh kyndon u wym toh u lai kini kiwa yoh jamin cha baar ri, daw hap ki leh wow wan pyndem ya ka Passport ki wei wym toh u yaklam ki wa kiwon kiwon kiwa man kam kiwa sakhi.
Kini ki Nun toh kiwa tip kam ka Preethi Merry wa ka Vandana Francis kiwa waroh ar na Kerala deilang wa u Sukaman Mandavi da chah kem ki na Durg Railway Station ha ka 25 tarik u bnai wa dep hadien wa ujor ka Bajrang Dal deiwa pynbaad wa ki le ngut ki kynthai wa lai lang wa ki toh kiwa chah rahbor dei thmu wow pynkylla niam ki.
Ya kini ki le ngut ki kynthai da phah liwan ki cha chnong hi ki heiwa kini ki Nun da mut ki wow lai yah ki cha ka Fatima Hospital wa em ha Agra yow kreh kam kiwa chet.
Discussion about this post