Yoh ka Captain Williamson Sangma Govt College yaka yung thymme deilang waka Hostel

U Montri Rangbah ka jylla, u Conrad K Sangma ynne da wai u ya ka yung e sikai thymme namo ka Academic Block deilang waka Hostel ki chynrang wa kynthai yong ka Captain Williamson Sangma Government College kawa em ha Baghmara, South Garo Hills.

Kani ka College toh kawa da booh mooyurim nadooh u snem 2008 da u P. A. Sangma wei da man ko kawa da sih wei ka wym chngaaiñ de u pynemkaam, wei ha u snem 2019 da lai pait ya kani ka College da u Conrad heiwa da pynlait poisa yow chna thymme ya ki thaw e sikai kani ka College.

Neibynta u pynchna ya ka yung kani ka College da pynlut Rs. 8.52 klur katwa neibynta ka Hostel ki kynthai wa chynrang won Rs. 1.20 klur.

Hapoh kini ki Hostel da em thaw sah ya 20 ngut ki chynrang wa 20 ngut ki kynthai.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Kani ka College kattæ toh kawa em du ka Arts Stream wei da em kamwa 1180 ngut kiwa lai puræ.

U Conrad da ong u wa sñiawkmen u wa hapoh 5 snem da ye wow pynbiang ya kani ka College neibynta ki khynroo ka Baghmara, wei da pynrap u leh wa ka sorkar daw mynjur ko leh wow booh sa ki Science wa Commerce streams ha Sohra, Williamnagar wa ha Baghmara College.

Da pynbna u leh wa yaka South Garo Hills da yoh Rs. 15 klur naka NEC yow booh sa 150 tylli ki palong ha Baghmara Civil Hospital wa sa Rs. 5 klur won yow chna yei thaw sah ki Doctor wa ki Nurse.