U Prime Minister ka ri, u Narendra Modi ynne da kaweh lama u ya ka Hydrogen Train wa nyngkong dooh ka India kawa daw lai luti na Jind cha Sonipat iwa jrong 89 Km ka luti wa em hapoh ka jylla Haryana wa pynlai da ka Northern Railway.
Ya i stat wa da pynemkaam hapoh kani ka rel toh iwa da chna da pynmih hapoh India hi heiwa ki Hydrogen Fuel Cells da pynemkaam ki yow pynmih Electricity, wei man ko leh kawa khooid bha kawa ym em pynmih tdem iyi iyi leh.
Kani ka rel toh kawa taan 10 tylli ki daba namo ki Coach wei ye ko u lai hadooh 75 Kmph i smat.
Neiliang ki bor sorkar da ong ki wa kani toh ka Hydrogen Train wa jrong dooh wei kawa khlan dooh hapoh pyrthai.
U Modi da ong u wa ka India kattu da man ko kawi na ki kattu katni donhi ki ri wa em ya ka Hydrogen Train wei man ko leh kam chibynta wow pyrchang u pynkhooid ya ki rel yow lait ki u pyntngit ya ka rymaw.
Kani ka rel pynemkaam ko da ki 1200 kW Proton Exchange Membrane Fuel Cell (PEMFC) yow pynmih Electricity. Wei ye ko wow kit 2,600 ngut ki paidbah.
Ki thaw wow sangeh ko toh ha Jind City, Pandu Pindara Junction, Lalit Khera Halt, Bhambhewa, Isapur Kheri Halt, Butane Halt, Khandrai Halt, Rabrah Halt, Lath Halt, Mohana, Barwasni Halt wa Sonipat New.
Ya kani ka rel da pynwandur da ka Research, Design & Standards Organisation ka ri.
Ka Hydrogen Train toh kawa pynemkaam nyngkong ha Germany, wei ha u 2022 kani ka rel da ye ko wow lai 1,175 Km khlem da hap wow thap Hydrogen.
Discussion about this post