U Hardeep S Puri, MoS(I/C), Ministry of Housing and Urban Affairs da ong u wa ka Swachh Survekshan u pteiñ ko wow yarap u pynlai chakhmat ya iwa da ye ka Swachh Bharat Mission-Urban(SBM-U) u leh, deiwa khana leh ya ki thong wa da booh yow pynman ya waroh ki sorbah kiwa khooid.
Da ong u leh wa kamwa kam kattæ da em i haka luti wow yoh ym du yei khooid, kamjooh leh i chait i khiah, i roi i paar, i bor wei kiwa ye u psan pyn ya idæ kam chibynta ka New India!
Da saam u leh yaka khusnaam neibynta ka Swachh Survekshan 2020, kawa man ka sien wa 5 wa da saam yaka kawa da jied ya kiwa jop deiwa thooh bniah ka Ministry of Housing and Urban Affairs (MoHUA), ka sorkar India.
Ka Indore da jop ko yei naam Cleanest City of India iwa man leh i sien wa soo, ka Surat da yoh wa ar ko pynbood daka Navi Mumbai hei wa le na ki sor wa em palat 10 lak ngut ki bru. Ha ki sor wa em hapoh 10 lak ngut ki bru da jop ka Ambikapur wa ar ka Mysore wa leh ka New Delhi (NDMC).
Ka Chhattisgarh da yoh ko yei naam Cleanest State hapoh India kiwa em palat 100 tylli ki Urban Local Bodies katwa ka Jharkhand da yoh ko yei naam Cleanest State hapoh India na kiwa em hapooh 100 tylli ki Urban Local Bodies.
Nalor kini, da saam leh ya 117 tylli ki khusnam kiwa ye wow chem lyngba ka https://swachhsurvekshan2020.org/Rankings.
Nadooh wa sdang ha u snem 2014 yaka Swachh Bharat Mission-Urban (SBM-U) da lai chakhmat heiyatoh ki kaam pynkhooid wei pynlang yei jhep. Heiwa da em 4,324 tylli ki Urban ULB kiwa da pynbna kiwa da man kam ki ODF namo kiwa lait nei lai paikhana cha lait. Da em leh 1,319 tylli ki sor kiwa da pynbna kam ki ODF+ wa 489 ki sor kiwa da pynbna kam ki ODF++ katkam ki kyndon ka MoHUA’s heiyatoh wa i khooid i suba khatam wa yatoh wa ki paikhana.
Ya ini da ye wow leh deiwa chna palat 66 lak ki paikhana ha ki yung ki sem, palat 6 lak tylli ki paikhana paidbah. Chooh chooh palat 59,900 ki paikhana ha ki palat 2900 tylli ki sor ye wow chem ki haka Google Maps.
Heiyatoh won wa i pynlang jhep, 96% ki Ward da leh ki yei lai thooh jhep na yung ki bru heiwa 66% i jhep da pynemkaam biang ya ki iwa ku da jan 4 chah nadooh u 2014 heiwa da pynemkaam biang yei jhep du 18%.
Da em 5 tylli ki sorbah (Indore, Ambikapur, Navi Mumbai, Surat, Rajkot wa Mysuru) kiwa da yoh ya i kyrdan 5-Star Cities, 86 tylli ki sor wa yoh yaka 3-Star wa 64 tylli ki sor wa yoh yaka 1-Star, katkam ki kyndon ka MoHUA’s Star Rating Protocol deiwa kheiñ ya ki kiwa da lait na i jhep.
