Ka jylla Meghalaya man ko kawi na ki jylla wa pynkreh bha ya ka Jal Jeevan Mission (JJM) wei ya ini da ong da u Montri Rangbah, u Conrad K. Sangma ynne hawa wai ya ki kreh ha 18-West Shillong Constituency ha ka yalang wa man ha Hindu Mission, Lower Mawprem.
Da ong u wa kam chibynta ka Gandhi Jayanti u Montri Rangbahdooh ka ri daw e u ya ki khusnaam cha ki jylla wa pynkreh bha ya ka JJM cha ka Meghalaya.
U Conrad da pynkynmoo u leh wa ka ka jylla da yoh ko chiboon ki naam ha ki por wa dadep nadooh i chait i khiah hadooh ki kaam uiñke suwari.
Da ong u leh wa katni dang kreh wow pynman ya ka Mehalaya kam kawi na ki Top 10 States hapoh 10 snem deiwa kreh ya ki kaam kiwa ka jylla emkaam ko khamtam ha ki kaam pynroi.
Ha kani ka sngi da emlang leh u MLA ka thaaiñ, u Mohendro Rapsang wa kiwi kiwi wei da e kti leh ya ka Mortuary Van cha ka Hindu Mission wa kamjooh ki LED Street Lights wa ki CCTV. Ya kini ki kreh da yoh hapoh ka Chief Minister’s Special Development Fund wei ha kani ka sngi da yaklam u Conrad leh wa ki khynnah wa ri ha Meghalaya Hindu Mission.
