Ha ka yalang wa da pynman ha ka 10 tarik uni u bnai ha Khliehriat West heipor 02:30 i sngi, da yoh u pynkha ya ka Kur Suting Khliehriat Unit ha ka yalang wa emlamg u Amin Suting uwa man leh u President ka Kur Suting Jaintia Hills ha ryngkat i emlang u Eladmiki Suting, General Secretary Kur Suting Jaintia Hills.
Ya kani ka yalang da pynlai ya ka da u Jacop Suting, Chairman Kur Suting Jaintia Hills wei chwa wow sdang ya ka yalang da yoh yei kyntien pdiang burom neibynta waroh kiwa wan cha kani ka yalang na u Shitlang Suting.
Ha kani ka yalang da yoh leh ya kiwa kitkaam wa nyngkong yong ka Kur Suting Khliehriat Unit kiwa man kamni:
President – Shitlang Suting
Chairman – Wanshwa Suting
Secretary – Seibormi Suting
Finance Secretary – Kyrsoilin Suting
Statistician – Bennison Suting
Auditor – Ibanpdianghun Suting wei da jied leh 10 ngut ki Executive Member.
Ha kani ka yalang da yoh leh yei klam pynche neibynta ka kur na u Eladmiki Suting wa na u Amin Suting wei ka yalang jied ya kiwa kitkaam ka Khliehriat Unit da man ko kawa lai bait lai ryntih weiwa da yoh leh u pynskem ya kiwa kitkaam da u President ka Kur Suting Jaintia Hills.
Hachwa wou pynkut ya kani ka yalang da yoh yei kyntien sneiñ kyntu na u Chairman wa i kyntien e khublei na u Wanshwa Suting, Chairman Kur Suting Khliehriat Unit.
Discussion about this post