Ka sorkar Meghalaya lyngba ka chnat Health & Family Welfare da pyntip ko wa da yoh sa ar tylli ki Medical Seat naka sorkar pyrdi yow lai puræ MBBS iwa da e da ka Ministry of Health & Family Welfare.
Da ini mut i wa neibynta uni u snem da ku cha 94 ngut kiwa da chah jied lai puræ MBBS na ka State Quota ka Meghalaya.
Ya kini ki 2 tylli ki Seat wa dang yoh da bhah mar kawi cha ka Khasi-Jaiñtia Category wa Garo Category.
Ki ar ngut kiwa yoh nyngkong wa uwa yoh wa ar hapoh ka Khasi-Jaiñtia Category da thap noh ki chapoh ka Open Category iwa mut hapoh kani ka Category da em 14 ngut.
Kamtæ da psiah kawa em hei nyngkong ha ka Waiting List ka Khasi-Jaiñtia Category chapoh kiwa chah jied ha ka Khasi-Jaiñtia Category wei kamjooh leh uwa yoh nyngkong ha ka Waiting List ka Garo Category uwa da psiah chapoh kiwa chah jied ka Garo Category.
Ha ka Khasi-Jaiñtia Category da em 37 ngut kiwa da chah jied wa kawi kawa man kam ka Person With Disabilities, neitæ sa kini ki ar ngut kiwa da psiah cha ka Open Category wa uwi uwa da em chwa hapoh ka Open Category iwa mut waroh da em 41 ngut ki Khasi-Jaiñtia kiwa da chah jied wow lai puræ MBBS ha uni u snem.
Kiwa chah jied na ka Garo Category deiwa psiah sa uwi da em ki 38 ngut kiwa da chah jied.
Ha kiwi Category dang neh kamjooh hi.
Ya kani ka List wa thymme ye phi wow puræ heini.
Discussion about this post