New Delhi: Kam chibynta wow pynchlur ya i thungdieñ wei wow pynyirngam yaka ri waroh kawi, u Union Minister for Environment, Forest and Climate Change, u Prakash Javadekar, da pyllait poisa u T. 47,436 Klur naka CAMPA Funds ynnin ka sngi cha kiwa boon ki jylla, hei emlang u Minister of State, MoEF&CC, u Babul Supriyo.
Haka yalang ki State Forest Ministers and Authorities kawa pynman ha New Delhi, u Environment Minister da ong u, “Ka mang poisa ki jylla u neh ko kamjooh wei kani ka poisa man ko kawa e pyntam yaka mang poisa ki jylla yow pynemkaam du ha wow pynboon ya ki dieñ wei wow pynheh pynsan ya ki khloo katkam ka thong ka Nationally-Determined Contributions (NDCs).
U Environment Minister da ong u wa knai ka poisa wa wan naka CAMPA ym ye u pynemkaam yaka wow su yaka tulop, i bai lai bai wan, u yoh ya i sumaar wa kiwi kiwi.
Neiliang ka jylla Meghalaya da em u Lahkmen Rymbui, Minister for Border Areas Development Department – Education Department – Forests & Environment uwa pdiang yaka poisa wa T. 163.31 klur neibynta ka jylla Meghalaya.
Ka Compensatory Afforestation Fund Management and Planning Authority (CAMPA) toh kawa da sdang ha u snem 2001 hadien wa ka pynmih hukum ka Supreme Court yow em ka poisa yow pynbha pynmiat yaka rymaw.
Discussion about this post