Yoh ka Meghalaya T. 86.08 klur na ka Revenue Deficit Grant kawa T. 7,183.42 klur

Ka Department of Expenditure, Ministry of Finance ka sorkar pyrdi ynne da pynlait ko ya ka poisa kawa man ka bhah wa ynru namo ka 6th Monthly Installment kam chibynta ka Post Devolution Revenue Deficit (PDRD) Grant kawa dapoi T. 7,183.42 klur cha ki 14 tylli ki jylla. Ya kani ka Grant da pynlait katkam wa da phah da ka Fifteenth Finance Commission.  

I phah ka Fifteenth Finance Commission wow pynlait ya kani ka Post Devolution Revenue Deficit Grant kawa T. 86,201 klur cha ki 14 tylli ki jylla toh neibynta u snem man tyngka 2022-23. Kani ka Grant wa pynlait da ka Department of Expenditure cha kini ki jylla toh kawa na ki 12 tylli ki Installment. Deiwa pynlait ya kani ka Installment wa ynru neibynta uni u Naikhynde, 2022 waroh ka Revenue Deficit Grants wa da pynlait cha ki jylla neibynta u 2022-23 da ku da T. 43,100.50 klur.

Kani ka Grant toh kawa pynlait yow pyndap yei duna i yoh nong ki jylla wei da jied ya ki jylla neibynta u 2020-21 hadooh u 2025-26 katkam wa rai da ka Fifteenth Finance Commission deiwa kheiñ yei yoh nong wei dooh neibynta kini ki snem. 

Ki jylla wa da jied yow yoh ya kani ka Post Devolution Revenue Deficit Grant da ka Fifteenth Finance Commission neibynta u 2022-23 toh ka: Andhra Pradesh, Assam, Himachal Pradesh, Kerala, Manipur, Meghalaya, Mizoram, Nagaland, Punjab, Rajasthan, Sikkim, Tripura, Uttarakhand wa West Bengal.

Related posts

Pynbna ka NPP sa 6 ngut ki kyrtong MDC cha ka JHADC

December 23, 2024

Ka sorkar ymtoh kawa ye hi-eh ka KSP wow maham: Sniawbhalang

December 21, 2024

Ka Meghalaya ha kani ka 6th Installment da yoh ko T. 86.08 klur wei waroh wa da pynlait cha ka jylla ha u 2022-23 dapoi T. 516.50 klur.

I rukom yoh ya kani ka Post Devolution Revenue Deficit Grant neibynta u 2022-23 wei ka poisa wa da pynlait cha ki jylla ha kani ka 6th Installment man i kamni ha wah:

(Rs in crore)