Yoh ka NEIGRIHMS ya ka PMBJK, i dukan wa dai dawai ha i dor wa duna

Ynne ka sngi da leh burom yaka Jan Aushadhi Diwas kawa yatoh wa i chna wei dai dawai hapoh ka ri da kiwa duna dor wei da wai leh ya ka thaw dai dawai kawa 7500 tylli ka Pradhan Mantri Bhartiya Janaushadi Kendra (PMBJK) ha NEIGRIHMS, Shillong deiwa emlang u Montri Rangbah u Conrad K Sangma wa u Montri khynnah ka sorkar pyrdi wa pait ya ki Ports, Shipping and Waterways (Independent Charge) wa Chemicals & Fertilizers, u Mansukh Mandaviya, u Montri ka chnat i chait i khiah ka jylla u A L Hek wa u Director ka NEIGRIHMS.

Ka Jan Aushadhi Diwas da pynman yaka man-u-snem haka 7 tarik u Wisu wei ha uni u snem leh da lehkmen ya kani ka sngi ha waroh kawi ka ri heiwa u Prime Minister, Narendra Modi da yachem u wa ki tre dukan wa kiwa yoh myntoi deiwa pynman yaka Video Conferencing wa ki kattu katni ki dukan PMBJK kiwa da chah jied.

Hawa e klam hawa wai yaka PMBJK, u Conrad K Sangma da ong u wa ki dawai wa yoh na kani ka dukan toh kiwa duna dor wei kiwa bha wei ini i jait dukan toh u ye ki wow poi cha waroh hapoh ka jylla. Da ong u leh wa boon ki por, ki dawai toh kiwa duna wei kiwa yoh leh toh kiwa syad, kamtæ ki dawai wa yoh na kini ki dukan daw yarap ko ya kitu ki wym kynjoh bor wow thied da iwa syad kamjooh ya kitu kiwa emkaam dawai man-ki-por.

“I yoh myntoi ya waroh ha ki kaam sumaar sukhær toh ka luti wow lai chakhmat wei yooluti i leh wow wai chooh chooh kam kini ki dukan dawai hapoh ka jylla,” ong u Conrad.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Neiliang u Mansukh Mandaviya da ong u wa kini ki dukan ye leh wow wai deiwa ya krehlang ki thaw sumaar ki bru samen wa ki NGO. Da kular u leh yei kyrchaan naka Ministry ya kitu kiwa kwah wow wai ya kam kini ki dukan. Da ong u leh emkaam wow pynman yei pynsñiawthooh paidbah ya kini ki jait dukan yow yoh myntoi ki paiadbah kamwa da thmu.

Ka Jan Aushadhi Pariyojana toh kawa sdang daka Department of Pharmaceuticals, Ministry of Chemicals and Fertilizers yow pynyoh dawai kiwa duna dor khamtam ya kiwa dooh wa duk deiwa booh ya ki Pradhan Mantri Bharitya Janushadhi Kendra. Ki dawai na kini ki dukan duna dor ki da kamwa 50% hadooh 90% bar ya kiwi kiwa dai ha ki yaw ki haat. Kani ka Scheme da yarap ko leh wow pynyoh kreh ya ki bru kamjooh ya kiwa kwah wow seiñ khih.