Ka Pipilmoris Wanniang da ye ko wow pyndep ya ka Upgradation Practical Examination 2026 wei da ini da ku kyrdan ko wow man kam ka Category 5 National Football Referee.
Yeini da pyntip da ka All India Football Federation ynne ka sngi.
Ki Category 5 Referee wa ki Assistant Referee toh kiwa ye wow pynlai ya ki yalehke National Level.
Neiliang ka Meghalaya Football Association da ya krehlang ko wa ka sorkar Meghalaya yow pynku ya ki yalehke hapoh ka jylla nadooh kiwa dang khian rta deilang neibynta ki kynthai hadooh kiwa man kam ki Referee yow ye ki wow chimbynta wei wow pynman leh ki yalehke wa heh kyrdan.
Ha ki bnai wa dadep, da em leh ki arngut kiwa da yoh wow man kam ki Category 5 Referee kitæ u Pynskhemhame Mawthoh wa u Assistant Referee, u Jespar Syiemlieh.
Discussion about this post