Uwa yahkhmat ka Liang Pyrchah ka Lok Sabha, u Rahul Gandhi da chah rah u ha ki pulit ka Delhi ynne heipor wa pynman yei yakhih hajan ka yung wa sah u Prime Minister, u Narendra Modi wa em ha Lok Kalyan Marg.
Da chah reh leh ka MP ka Congress, ka Priyanka Gandhi kiwa da pynman yakhih yow dawa yei kitkhlieh yeiwa jia ya ka Paper Leak NEET-UG 2026 kamjooh yow hiar chuki u Montri ka sorkar pyrdi uwa pait ya ka chnat Education, u Dharmendra Pradhan.
Ka Priyanka hawa chah ksoh ha ki pulit da ong ko wa ini toh neidaw wa tieñ ka sorkar wei i ym em tieñ i ya ki neibhah ka sorkar toh kawa tieñ slah.
Ki pulit da rah yabor ki ya u Rahul Gandhi deiwa thap oo hapoh ka Bus.
Da chah rah kiwa boon kiwi kiwa yahkhmat ka Congress deilang kiwa kreh ka Party hawa pyrchang ki pulit wow tympra ya kiwa yakhih kiwa da toor na Rajaji Marg cha Lok Kalyan Marg hadien wa pynbaad ki wa thombor ki pulit ya kiwa lai puræ kiwa pynman yakhih.
Uwi na ki MP ka Congress, u Randeep Singh Surjewala hawa klam napoh ka Police Van wa chah thap u, da ong u wa kani man ko du kam iwa sdang ka yakhih wa heh pyrchah ya ka sorkar.
Tangwa neiliang u Montri Khynnah ka sorkar pyrdi, u Dr. Jitendra Singh da pynbaad u wa u Rahul Gandhi hadien wa mynjur u wow yaklam hapoh ka Parliament neibynta ka Paper Leak ka NEET tangwa da lai u chakhmat wow pynman yakhih wot hadien wa hun wow yaklam yeini hapoh ka Parliament.
Discussion about this post