U Montri sorkar uwa man leh kam u MLA ka Khliehriat, u Kyrmen Shylla ynne da wai u ya ka yung skur thymme ka Rymbai Government Secondary School deiwa emlang u MDC ka thaaiñ, u F. Bareh, u Deputy Commissioner ka East Jaiñtia Hills District, u A. Baranwal, ka Additional Deputy Commissioner, ka J.U. Kharpuri, u Joint Director of School Education and Literacy ka sorkar Meghalaya, u L.S. Lyngdoh, ka In-charge District School Education Officer, East Jaiñtia Hills District, ka P. Dkhar deilang wa kiwi sahep sorkar, ki waheh chnong wa kiwi kiwi.
U Kyrmen Shylla hawa e yei klam kam u kongsan da pynsñiaw u yei kmen wa da yoh u pynchna thymme ya kani ka skur wei da e khublei u leh ya waroh kiwa emkti ha ini i kaam nadooh ki chnat sorkar, ka School Managing Committee, kiwa yahkhmat chnong, ki Contractor wei da ong u leh wa daw booddien u yow pynku kyrdan ya kani ka skur cha ka Higher Secondary.
Da klam u leh yei chitom yoh kreh sorkar katni deiwa pynchlur ya ki paidbah wow seiñ khih ki deiwa chim kabu ya kiwa boon ki laad yarap ka sorkar kam ka CM-ELEVATE wa kiwi kiwi de kiwa yarap poisa hadooh ki kaam rep, ri mrad, i uiñke suwari, ki yalehke Sports wa kiwi kiwi de.
Neiliang ka In-charge Head Mistress kani ka skur, ka Y. Lamare da puræ ko yei parom kani ka skur kawa da sdang nadooh u snem 1960 wei da e dorkhat ko leh ha u Montri yow dawa pynku kyrdan ya kani ka skur cha ka Higher Secondary, u chna yaka Multi-Purpose Hall wei wow chna yaka Basketball Court.
Discussion about this post