Ka South West Khasi Hills kawa waroh chi kattu man ko kawa lait na u COVID-19, ynne da yoh ko ya uwa nyngkong wa yoh ya uni u khñiang hapoh ka District.
Katkam wa pyntip ka DC ka South West Khasi Hills District uwa yoh COVID-19 toh uwa liwan na Gujarat uwa psiah chapoh ka jylla lyngba ka Byrnihat Checkpoint wei da poi u hapoh ka District haka 5 tarik uni u bnai deiwa bood ya waroh ki kyndon wei da leh u yaka Quarantine ha yung u ha iwi i chnong wa em hapoh ka District.
Haka 7 tarik uni u bnai da sdang u wow chitom malu mala wei da kit ya oo chisyndon cha ka Corona Care Centre wa em ha Mawkyrwat.
Haka 8 tarik da chim yaka nongmuna u yow leh yaka RT-PCR Test wei da yoh yaka Result ynne ka 10 tarik kawa pynyoo wa da yoh u ya u COVID-19.
Katkam wa pyntip ka DC, uni u bru man uwa ym em joor i chitom wei u neh chwa u hapoh ka Corona Care Centre.