Ka sorkar jylla Meghalaya lyngba ka Meghalaya Energy Corporation Limited (MeECL), Corporate Affairs da pynmih hukum ko ynne ka sngi wow khang u pynman ya kiwon kiwon ki yakhih kam i pynman yaki Strike heiyatoh wa ki kaam wym hoi u dam u sangeh (Essential Services), wei kani ka hukum u neh ko 6 bnai.
Haka hukum (Office Order) da ong wa ka MeECL man ko kam kawa e yei chakri wa ym hoi u sangeh (Essential Service) katkam ka Section 2(1)(a) ka ‘The Meghalaya Essential Services Maintenance Act, 1980′ wei neidaw wa da em i thmu ka MeECL Engineers’ Association wow deiñ lama yong, u rah Placard wei wow li wah yaki Banner haka 11 tarik uni u bnai hapoh ki yung krehkam, ki Power Station wa ki Sub-Stations ka Corporation ha kylleiñ ka jylla.
Kamtæ ini waroh daw pynlut ko yei por kini ki wakreh ka MeECL heithaw wow leh ki yei kaam yong ki iwa ye leh wow wanrah yei thut i e yei chakri heiwa haka chithi wa da phah ka Association da ong leh wa ye wow thut i krehkaam na kani ka yakhih.
Kamtæ ka sorkar da ong ko wa ini i thmu ka MeECL Engineers’ Association man ko iwa tyngkheiñ yaka Section 3(4)(a) ka ‘The Meghalaya Essential Services Maintenance Act, 1980 wei man ko leh pyrchah yaka aiñ katkam ka Section 3(4)(b) kani ka aiñ.
Da ong leh wa kiwon kiwon kiwa chimbynta ha kani ka kaam wa da thmu, daw chah pynchitom ki katkam ka Section 4,5,6 wa 7 yong kani ka aiñ wa da kdaw.
