Ka West Jaiñtia Hills da yoh ko sa uwi u National Referee da u Bulmi Phawa uwa na chnong Nonglatem, West Jaiñtia Hills District uwa da chah jied ha ka All India Football Federation (AIFF).
U Bulmi deilang waka Babitbha Bareh kawa na East Jaiñtia Hills da man ki ki ar ngut na Jaiñtia Hills kiwa da ye wow pyndep ya ka W-Level 5 Exam yow man kam ki National Referee.
U Bulmi Phawa man u leh kam uwa sika skur Lower Primary uwa da pyndep ya ka M.Com.
Uwa nyngkong dooh na West Jaiñtia Hills uwa chah jied yow man kam u National Referee toh u Romanium Syngkon uwa na Jowai.
Ya ka Exam kawa kynthup ya ka Fitness wa Theory da pyndep u Bulmi ha Gwalior, Madhya Pradesh katwa ya ka Practical wa Viva da pyndep ha Narayanpur, Chhattisgarh.
U Bulmi yei kaam Referee da sdang u ha u snem 2013 wei da ini i chah jied u yow man kam u National Referee kattu da ye u wow put Whistle ha ki yalehke Junior wa Senior wa pynman da ka AIFF.
Discussion about this post