Yoh ki chipai ka BSF wow yarap ya ka khynnah na Meghalaya wa chah riñ bordiñ

Ha ka 7 April 2026 heipor kamwa 11:30 am kawi ka khynnah wa dang 10 snem da chah riñ bordiñ ko hadooh wa mynsoo ko, wei i smat ki chipai ka BSF da ye wow yarap ya ka.

Ya kani ka khynnah da tip kam ka Nikhami N. Marak, kawa man ka khon u Lithon D. Sangma na chnong Rongra Bolgiske ka South Garo Hills.

Kani ka khynnah da chah riñ bordiñ ko ha u sainar hajan i thaw wa dang kreh harood ka Wah Rongra.

Manda sñiaw yeiwa awri, ki chipai ka BSF na BOP Rongra da wan ki wut-wut ha ini i thaw wei da pyntip ki cha ka MeECL wow pyndam ya ka bordiñ. 

Related posts

Sñiawkhia u Jamshaphrang Pohtam yei chah kynthah u hadien wa klam u chaphang ki um ki wah ka Jaiñtia Hills

May 6, 2026

Pdiang ka Congress wow krehlang wa ka TVK ha Tamil Nadu deiwa booh ya kawi ka kyndon

May 6, 2026

Ya kani ka khynnah da kit chwa cha Rongra Primary Health Centre (PHC) wow yoh First Aid neitæ won da kit ya ka cha Baghmara Civil Hospital da ka Ambulance ki BSF chirup wa u Nursing Assistant wa kiwa hayung ko.

Ini i smat ki chipai BSF da ye i wow pynlait ya kani ka khynnah nei mynsoo joor.