Ynne ka sngi ka lieñsuiñ u montri rangbahdooh ka ri, u Narendra Modi da chah kyntait biang ko wow hær na suiñ ka ri Pakistan hawa lai u cha ri Saudi Arabia.
Katkam ka hukum wa pynmih u Foreign Minister ka Pakistan, u Shah Mahmood Qureshi da ong wa ka Pakistan da rai ko wow dam u chah ya ka lieñsuiñ u Modi wow hær na suiñ ka Pakistan.
Neiliang ka Defence News India da ong ko wa u Qureshi da pyntip u ya ini i rai cha ka Indian High Commissioner.
Neiliang ka Pakistan dei langær khang ko ya ka lieñsuiñ u Modi wow hær na suiñ ko khamtam hadien wa bom ki chipai la-ær ka India ya ki thaw rieh ki seiñ damok kieñ suloi ha i step ka 26 Thohlakhmi uni u snem ha Balakot, Pakistan.
Kam wow pynkynmoo heini, ha u Naiynru ka Pakistan da chah ko ya ka lieñsuiñ u Modi u hær ko na suiñ yong ka tangwa ka Sorkar India won da kyntait ko wow pynemkaam ya ka suiñ kani ka ri (Pakistan).
Da ong leh wa ini i daw wa khang ya ka suiñ ka Pakistan khamtam ka lieñsuiñ yong u Modi toh hadien wa tynyap ya ka Article 370 ka riti synchaar ka ri wow pyndam yei man kyrpang ka jylla Jammu & Kashmir.
Discussion about this post