Yoh kem drug ki pulit ka Manipur wa kynthup ya Heroin, Cough Syrup wa 15297 tylli ki dawai kuli SP Capsule

Jowai: Ki pulit ka Thoubal District Police ynnin ka 23 tarik heipor kamwa 10 waje i miet deiwa ya krehlang wa ki Volunteers ka Anti-Drug Associations, Lilong da yoh ki wow kem hadooh 15297 tylli ki dawai kuli wa tip kam ki SP Capsules, 99 klong i dawai ka-oh (Illegal Cough Syrup) wa 12 gms i Heroin na ki le ngut ki bru.

Ki pulit ka Lilong Police Station wa yahkhmat da u OC Inspt. O. Ajit Singh deilang wa ki Volunteers ka ALADA wa ANJUMAN, Lilong da yoh kem ki ya uwi uwa dih drug u Pusham Md. Ali (20 snem) na jan yung wa sah u wei na oo da chem 50 tylli ki dawai kuli SP Capsules. Hadien wa phla u da kem ya ar ngut kiwa dai drug na thaaiñ Lilong Dam Makha wei ya kiwa chah kem da tip kam u Pusham Salman Hussain (27 snem) wa u Khullakpam Sarif Khan (22 snem) wei na kini ki ar ngut da chem 734 tylli ki SP Capsules.

Hawa lai ka takit cha khmat da chem sa 14,513 tylli ki SP Capsules, 99 tylli ki klong Cough Syrup wa 12 gms i Heroin na yung uwa dai drug wa tip kam u FM. Aktar Hussain (35 snem) tangwa u Aktar da yoh u wow yut na ki pulit.

Yaka takit da pteiñ da ki pulit ka Lilong PS.