August 4, 2019
0 Comments
Jowai: Katkam wa pyntip ki pulit, haka 31 tarik u bnai wa da dep, heipor 7 waje i miet hadien wa yoh yutip ki wa tikna, da kem ya ka Vanrosiem (38 snem) na i thaw sah ko wa chipor ha Demthring, Block-I, Shillong wei naka da yoh kem 393.38 Gram wa suba toh i Heroin.
Hadien ini da yah ko ya ki pulit wei da kem sa ya ka Kimboi Hmar na yung wa sah ko ha Demthring, Shillong.
Haka chi tarik uni u bnai, ka A. Kharsyntiew, Secretary, Seng Longkmie, New Nongstoin, West Khasi Hills da ujor ko wa ha kani ka sngi heipor 6:41 i miet, ka wi ka Scooty wa em ya u Number ML-06-9411 wa yah da u Willbor Lyngdoh uwa naka chnong Nonglang wa ar ngut kiwa chong hadien uwa tip kam u Donkerry Ryntathiang wa u Franky Marbaniang da oor ki naka Scooty ha chnong Mawlarshong, Nongstoin, West Khasi Hills.
Hadien wa yoo ya ini, ki manbei ka Seng Longkmie da lai yarap ki ya kini ki le ngut tangwa da chem ki ya i yusong wa em ha ini i thaw wa jia iwa rap yoo phær ki.
Hadien wa takit ya u Donkerry Ryntathiang da phla u wa ini i yusong toh wa em i drug Heroin wei man i leh i yong oo.
Ki pulit manda poi ki ha kani ka thaw da kem ki ya ini i drug wa khia.054 Grams.
