Ka Directorate of Revenue Intelligence (DRI) da yoh ko wow kem 394 tylli i ksiar (Gold Bars) wa khia 65.46 Kg wa chongdor kamwa T. 33.40 klur kiwa da poi na baar ri lyngba ka thaaiñ North East.
Kini kiwa emkti wow chalan tooh ya ini i ksiar wa poi na baar ri da pynlai ki lyngba ka jylla Mizoram deiwa pynemkaam da ki Courier wa krehkaam hapoh ka ri.
Kam chibynta wow kdoh u khoom ya ini i chalan tooh yei ksiar neiliang ka DRI da sdang ko da ka “Op Gold Rush” heiwa da chem ya ini i ksiar napoh ka yusong wa da ong wa toh ki mar wa pynemkaam ki bru samen namo ki ‘Personal Goods’ kiwa toh u pynpoi cha Mumbai. Hawa ksoh ya ini i yusong ha Bhiwandi (Maharashtra) ha ka 19 tarik uni u bnai da chem ya 120 tylli ki ksiar (Gold Biscuit) wa khia kamwa 19.93 Kg kiwa chongdor T. 10.18 klur.
Hawa takit chooh chooh da chem sa ar tylli ki yusong wa phah da ki jooh ki bru wa wan na i jooh i thaw yow lai cha Mumbai wa kit da ka jooh ka Courier wei da kem ya iwi na kini na Bihar heipor wa dang kit wei hawa kynreh ya ka thaw booh tiar kani ka Courier da chem sa 172 tylli ki ksiar (Gold Bars) kiwa khia kamwa 28.57 Kg wa chongdor kamwa T. 14.50 klur. Ka yusong wa ar da yoh kem na Delhi na ka thaw booh tiar kani ka Courier heiwa da chem 102 tylli ki ksiar (Gold Bars) kiwa khia kamwa kamwa 16.96 Kg kiwa chongdor T. 8.69 klur.
Deiwa yoh kem ya kini ki ksiar da sñiawthooh yei rukom chalan wei kammon da pynpoi yei ksiar chapoh ka ri deiwa pynemkaam da ki Courier Company.
Ha ini waroh da yoh wow kem 394 tylli ki ksiar (Gold Bar) kiwa khia 65.46 kg kiwa chongdor waroh T. 33.40 klur.