Ka Directorate of Revenue Intelligence (DRI) da yoh ko wow kem da ki hajar tylli ki iPhone wa da chalan tooh chapoh ka ri India.
Hadien i pynlang yutip da ki sahep ka Directorate of Revenue Intelligence (DRI), da sylli ki ya ar tylli ki yusong ha ka 26 tarik uni u bnai. Kini ki yusong toh kiwa wan na Hong Kong ha Air Cargo Complex (ACC), Chhatrapati Shivaji International Airport, Mumbai. Ki kot ki sla da ong ki wa kini ki mar yoh ki “Memory Cards”. Hadien wa wai da chem wa em kini ha wah:
| Description | Quantity |
| iPhone 13 Pro | 2,245 |
| iPhone 13 Pro Max | 1,401 |
| Google Pixel 6 pro | 12 |
| Apple Smart Watch | 1 |
Waroh da em 3,646 tylli ki jait iPhone-13 Mobile Phone. Kini ki Mobile Phone wa ka Apple Smart ki wym biang ki kot ki sla da kem katkam ka aiñ Customs Act, 1962. Waroh kini ki mar da chongdor ki T. 42.86 klur katwa ha ki kot ki sla da thoh T. 80 lak.
Ki jait iPhone-13 toh kiwa da sdang wow dai ha India nadooh u Naikhynde 2021 chaneiñ, wei kawa toh dor dooh toh T. 70,000 wei kiwa syad dooh da poi ki T. 1,80,000. Ki Mobile Phone kiwa wanrah cha India hap ki wow su ya ka Custom Duty kawa kamwa 44%.
Ini da pynyoo wa katwon wa kiwa chalan tooh da smat ki wow yoh yei mar wa dang thymme wei deiwa boon tylli bha kamwa da yoh ki ya kini ki iPhone 13. Ini leh da yarap ko ya ka DRI wow chemdien yei buit kiwa chalan tooh iwa da pyndooh nong bha ya ka sorkar.
