Ka Indian Coast Guard (ICG) chirup wa ka ATS Gujarat da yoh kem ko ya ka lieñ ka ri Pakistan ka ‘NUH’ kawa em 8 ngur ki bru Pakistan najan ka Jakhau, Gujarat wei na ki da yoh 30 kilo i drug Heroin.
Hadien wa yoh yutip wa tikna, ha ka 13 tarik uni u bnai da yoh kem ya kani ka lieñ na khappood duriaw kini ki ar ri namo ka International Maritime Boundary Line (IMBL) heiwa ka ICG wa ka ATS da soohbuit ki wow leh yeiwa emkaam.
Ha i synyaaw ka 14-15 tarik, da chem ya kani ka lieñ chapoh u pood ka India wei manda kynreh ya ka da chem le tylli ki song (Packet) Heroin wa khia chi kilo chi song.
Ini i drug da antaad wa chongdor i T. 300 klur wei hawa takit ya ki 8 ngut da chem wa da thmu ki wow pynpoi ya ini i drug cha rood duriaw ha Gujarat.
Ya kini ki 8 ngut da kit cha Jakhau wow takit ya ki.
Ha ka 18 Wisu uni u snem ka ICG da yoh kem ko ya ka SLB Ravihansi wa kit 300 kilo i Heroin, san tylli ki suloi AK-47, wa 1,000 tylli ki kuli najan Lakshadweep Island, wei da suba wa wan ko na Makran.
