Yoh kem ki BSF ya 58 tylli ki masi wa mut wow challan tooh cha Bangladesh kiwa chongdor T. 12 lak tam

Jowai: Ki chipai ka BSF ha ki ar sngi uni u bnai haka 12 tarik wa haka 17 tarik da yoh kem ki 58 tylli ki masi kyrtong na khappood waka Bangladesh kiwa mut wow chah challan toh cha Bangladesh.

Ha ka miet ka 12 tarik ki chipai ka BSF ka BOP Jaliakhola heipor 08:30 da yoo ki ya ki kattu katni ki bru wa uiñ dei miet wei da yang khap yow ker kut ya ki tangwa kini ki bru da yut ki wei da ieh ki ya ki masi hadien wa yoo ki ya ki chipai ka BSF wei da wiar ki chapoh khloo.

Hawa thooh ki BSF ya kiwa yut da chem ki ya 32 tylli ki masi kyrtong kiwa da heh tangwa da man ki kiwa tlot neidaw wa ym em yoh baam wei em leh ki dak wa mynsoo ki neidaw wa chah sympat ki.

Kini ki masi da antaad wa chong dor ki T. 6,84,800.

Related posts

Yoh pynlait ya ka kynthai kawa na East Jaiñtia wa chah kset yabor ha Delhi

May 11, 2025

Yoh kem mooyong hadooh 6000 MT ha East Jaiñtia Hills

May 10, 2025

Ha i pyrdi synyaw ka 17 tarik uni u bnai heipor 00:30 hadien wa yoh yutip ki chipai ka BSF wa em kiwa thmu wow challan tooh ya ki masi kyrtong cha Bangladesh, ki BSF ka BOP Hawaitilla da lai takit ki wei da sñiaw ki yei ood ki masi wa chah sympat ki wei da lai ki cheiliang Bangladesh wei manda pynsangeh ki chipai ka BSF ya ki, ki bru wa mut wow challan tooh ya kini ki masi da yut ki chapoh khloo wei ki masi wa da yoh kem da em ki 26 tylli wei man ki leh kiwa da tlot neidaw wa ym em yoh baam ki.

Da antaad wa kini ki masi da chong dor ki T. 5,45,600.