Yoh kem ki BSF ya ar tylli ki masi wa mut u chah challan tooh cha Bangladesh

Jowai: U SP ka WJH u Lakador Syiem da pyntip u wa ha ka 12-12-18 heipor 7:30 i miet ki chipai ka BSF Rongtila BOP da yoh kem ki ya ar tylli ki masi kyrtong na khappood India-Bangladesh heipor wa mut u challan tooh ki cha Bangladesh.

Ini i thaw wa jia toh iwa haap hapoh ka Dawki PS wei ya takit da pynman da ki pulit kani ka thanat wei dang thooh ya ki bru wa mut wow challan tooh ya kini ki masi kiwa da yut chapoh khloo heipor wa chem ki BSF ki.

Neiliang u SP da ong u wa lada em ki bru wa chah tooh masi ye ki won cha Dawki PS yow wan kam ya ki masi yong ki.

Related posts

Mar ya yoo pulit ieh uwi ya ka thuk-thuk wa chah tooh na Jowai ha u sarok Amlarem-Muktapur

September 23, 2026

Napoh i dukan dai soh ha Delhi chna drugs kiwa na baar ri yow pynpoi cha kylleiñ ka ri

September 23, 2026