Jowai: U CEM ka JHADC u Madonbai Rymbai uwa man leh u MDC yong ka Sohmynting Khliehtyrchi Constituency ha kani ka 2 tarik u Duiatra da wai paidbah u yaka kamra yung skur wa chi kamra yong ka Iawpyrsin L.P. School Sohmynting, West Jaiñtia Hills District kawa da e yarap da oo hi kam u MDC ka thaaiñ lyngba ka Special Assistant Grant Scheme 2017-2018 yong ka JHADC hei lut kamwa 4 lak 50 hajar tyngka.
Kani ka dong Iawpynsin da em chwa ko yaka L.P. School wada tipmit daka SSA, wei neidaw i ku i boon ki khynnah skur kamtæ neiliang u CEM da e yarap pynyoh u yaki da kani ka chi kamra khnang yow rap kyllooid ki.
Kam u MDC ka thaaiñ hawa e yeiklam haka yalang wa pynlai da u Bro Pyrtuh chirup i sakhi ki paaidbah da kular u wa haki sngi wa dang sah daw thooh chooh u ki laad ki luti hei yatoh u pynyoh kiwi won ki kaam pynroi nei bynta ka chnong, deiwa ong leh wa i por dang em ya oo sa kamwa chibnai haroh wow kreh u yei kaam.
Da pynbna haroh u ha kani ka sngi wa ki 40 tylli ki man yung yong kani ka chnong daw yoh ki ya ki tin sap yung kamwa 2 ban wa rben 30mm wei ki man yung wa em hok u yoh toh kitu wada chah dat phria i tnoom yung heini wot i por lyiur wa dep, katwa nei bynta kitu won ki wym pu yoh bhah ha kani ka kynti leh daw e won u ya ki.
Heijooh i por da kyrpaad u wei paan kyrchaan u naki paaidah wow pynjop biang ki ya oo haka Election MDC wow wan, khnang yow yoh u wow leh chiboon kiwi won ki kaam pynroi.
Kiwi won kiwa e i klam kynthup ya u Kwol Pohleng, u William Pyrtuh, u Mynjur Pyrtuh, u Chan Suting wa kiwi.
Discussion about this post