Yoh kem ki BSF ya kiwa khayi mrad tooh na Bangladesh cha ri-loom Garo

Jowai: Haka 12 tarik uni u bnai heipor 11:30 i miet, ki pulit ka Rongara Police deilang wa ki chipai ka BSF da kem ki ya ynñiaw ngut ki bru kiwa pyrchang wow khayi tooh ya ka jait ramachieh kawa tip kam ka ‘Gecko’ na Bangladesh cha Rongara, SGH. Da rah ya ki waroh cha ka Baghmara PS deilang waka Gecko.

Haka 13 tarik won, ka Aparajeta De Purkayastha da ujor ko wa ha kani ka sngi kawi ka miaw da chah yooh ko ha kawi ka kari kawa ym tip number hajan ka MUDA Parking Complex, Police Bazar, Shillong.

Hadien manda pyntip ko cha ki bru wa maya mrad (Animal Activist) yow lai tyllep ya kani ka miaw da chem wa kani ka miaw da em wa ah ki i khlieh wa ki kjat ko wei ya i snieh leh da em wa khloh wei ya i doh kani ka miaw da em wa rah ki da ki bru wa ym tipmit deiwa suba toh wow dai ki ya kani ka miaw yow baam ka.