Yoh kem ki BSF ya kiwa khayi tooh ya 69 tylli ki masi

Ki BSF Meghalaya ynne da yoh ki wow pynlait ya 69 tylli ki masi kiwa kit khynnia bha ha ki soo tylli ki kari Bolero Pick-up wei da kem leh ya ki nong India na khappood ka West Garo Hills District waka Bangladesh.

Yeini da ye wow leh da ki chipai ka 100 Bn BSF Meghalaya deiwa ya krehlang wa ki pulit ka Meghalaya wei ya kini ki masi wa 69 tylli da yoh najan ka chnong Dalu kiwa da thmu wow chalan tooh cha Bangladesh wei da yoh leh wow kem ya 6 ngut ki nong India kiwa emkti heini.

Ya kini ki masi deilang wa ki bru da e kti cha ki pulit ka Dalu Police Station yow leh ki yeiwa emkaam katkam ka aiñ.

Ki BSF da ong ki wa ini pynyoo ko yei kreh chitom ki wow yada ya u pood yow khang leh yei khayi tooh deiwa ya krehlang leh wa ki pulit.

Related posts

Mynsoo joor ki ar ngut hadien wa noh ka Truck chapoh riat ha Ri-Bhoi

April 23, 2026

Maham ki muktiar ka East Jaiñtia Hills wow lai cha ka NGT lada ym yada ya ka Wah Litein nei thmu tih moochuni ka Shree Cement

April 23, 2026