Yoh kem ki BSF ya u nong Bangladesh deilang wa le tylli mooid na East Jaiñtia Hills

Ki chipai ka BSF haka 5 tarik uni u bnai hadien wa em wa pyntip cha ki, da yoh ki wow kem ya uwi u nong Bangladesh uwa tip pyrtuid kam u Md Kamil Ahmed uwa chong chnong ka Donachera, Sylhet uwa da yahlang wa le tylli ki mooid ha pood ka East Jaiñtia Hills waka Bangladesh.

Ya uni u bru uwa 21 snem i rta da kem da ki 172Bn ka BSF kiwa da yang khap ya oo ha thaaiñ khappood ka Ratacherra wei da kem noh ya oo deilang wa kini ki mooid.

Ya uni da e kti cha ki pulit ka Umkiang Police Station.